కుమారీ శతకం - 16

16. జపములు,గంగాయాత్రలు,
దపములు,నోములును,దానదర్మంబులు,పు
ణ్యపురాణము పతిభక్తికి
నుపమింపను సాటి రాక యుండు కుమారీ!

భావం:-
ఓ కుమారీ!పత్నికి పతియే ప్ర్యత్యక్షదైవము కావున జపతపాలు,గంగా తీర్దయాత్రలు,నోములు,దానధర్మాలు,పుణ్యపురాణకథా శ్రవణములు, మొదలగు పుణ్య కార్యములన్నియు నీ పతి తర్వాతనేయని దెలిసికొనుము. కారణం నీ మగని పుణ్యములలో కొంత భాగమునకు నీవు అర్హురాలవయనావు కావున జ్ఞానమెరిగి మసులుకొనుము. పతిభక్తే గొప్పదని తెలిసికొనుము.